屈得就屈

呢幾日, 發生好多事..........

件件小事加起來變成大事.........

原來這些間接或直接的小事, 為我帶來的震撼性可以咁大........

如果件事係如實報導, 沒有誇大或隱瞞成分.........

係我錯, 我唔會卸責, 會接受並盡能力作出改善........

然而.......

假若某人斷章取義對我作出不準不失的評價..........

我絕對唔接受, 這隻死貓我口肯不下.......

老實說, 我足足忍咗佢兩個幾月........

我覺得佢對自己條team班officer仔都好冇禮貌, 唔尊重人.......

每次我入房搵佢攞advise, 十次有九次都話........

我宜家有嘢趕緊好忙, 等陣搵你...... or

你睇咗policies & procedures先搵我啦......... or

你盡快講下呢隻case(好似好"side"佢時間)

大佬, 我知你好忙, 我已經用哂自己方法去做, 唔行到絕路都唔敢行入嚟搵你;

你個死人樣, 見到都唔開胃, 成日表現到好不屑, 兼且喜用睇唔起人的眼神, 語氣和神情, 係度孖孖叉叉; 你俾我嘅感覺係............

我嘅job你一D都唔重視, 最好唔好煩佢咁款;

縱然喺你眼中我的job不值分毫, 可是我有落過心機做, 提過自己意見, 然而你卻漠視我付出的努力, 因為這不是你被年度考核的項目之一, 所以你只係敷衍了事, 馬虎的approve我草擬的計劃; 當Director發現有問題時, 你卸責的機制就自然啟動了, 立即置身事外, 好似冇見過份文件咁, 仲同人一齊伸我一腳; 我百份百肯定, 有提出過呢個point, 因為你的錯誤決定, 卻要我無辜幫你孭鑊; 可笑的是, 你厚面皮地跟別人說我疏忽諗嘢唔周詳, 誠然我嚥不下這啖氣;

還有, 嗰份ad hoc嘢, 我和另一位AM, 突然要接手去做; 從頭到尾, 我們沒有參與任何會議, 亦唔知道嗰份嘢原來唔係management所要嘅內容, 還以為所有point都agree哂; 用一日時間喺唔啱嘅版本上加嘢上去; 最後梗係大錯特錯; Director見到又話唔係呢D嘢, 好似自己做唔到人家要求, 感到好冤枉, 真係死貓一隻接一隻; 如果唔係有位證人響度, 替我講番D人話, 又會再次含冤莫白.......

然而, 那又如何?

我覺得管理層對我的批評, 有部份我認同, 有部份是死貓和歪曲事實, 同砌生豬肉無分別, 我真係好唔服氣; 我個人其實好簡單, 我係錯, 我會承認和接受自己的不足, 會作出改善, 亦不會砌詞狡辯, 我係負責任的成年人;

可是那班垃圾管理人, 連最基本尊重人的門面也懶得做, 卸鑊招數就層出不窮, 玩辦公室政治,,,,,,,

多得佢捉我照肺, 才恍然大悟自己是多麼的差勁......

我只不過直接跟佢兩個月左右, 他已經挑通眼眉, 唔經大腦就全然接受某賤人對我的批評, 佢冇瞭解過事情的來龍去脈就判處死刑, 我真係死唔眼閉........

幼稚得可憐的人啊!

我明白這個世界就是跟紅頂白, 以及山頂和山腳的分別.......

佢對我嘅不公平控訴, 本人實在難以接受, 條氣家陣仲係頂住;

我跟你咁短時間, 試問你有咩資格批評我? 還敢東拉西扯的說不停, 只用些難聽而沒有實質和恰當的理據話我, 硬要我啃下呢碗貓麵; 這種大石擲死蟹的場面, 真的闊別多時........

更攪笑係, 今日某位同事約我出來傾嘢, 原來係佢派來嘅! 我估到同事嘅來意, 所以有小小起 "kong"..... 在言談過程, 知道佢哋班賤人對架構有特別安排, 還斷章取義的跟那位同事批評我嘅不是, 同我講一個版本, 跟同事講又另一版本; 唔係同事講番出來, 我都唔知佢喺人面前屈我; 佢聽後都無言以對; 我知道佢好努力安慰我, 替我抱不平; 可是我接受不到呢場大戲, 先打"lump"你, 再要接受佢哋所謂嘅重建計劃........

我對這班不知所謂, 昏庸無能的管理層, 投以鄙視的眼光, 感到心灰意冷, 無留戀的餘地, 並對呢間只有軀殼沒有靈魂的公司表示深切的同情....

這三年多的時間, 自問對得住人, 對得起自己, 結果卻換來一番傷盡人心嘅話; 你估我唔駛做, 白逗人工口架! 要知道講咗嘅嘢永遠收唔返, 好hurt呀! 正在淌血..........