被淘汰

唉.........

又一次浪費寶貴的時間.....

做筆試都用咗個半小時, 再加埋十分鐘唔夠的面試.......

再一次証明, 又係失敗之作.......

雖然今次係越級挑戰, 然而感覺是一敗塗地.......

整個過程告訴我, 雙方表現差勁.......

我最唔鍾意幾條友仔坐埋喺同一間房, 同一張圓形小桌做筆試......

咁樣好影響公司形象及俾申請者唔專業的感覺.........

除此之外, 面試後我感覺對自己前景擔憂........

喺工作領域上, 我的知識貧乏, 碰過的項目太少;

假若繼續留喺舊公司, 我認識的嘢, 只會越來越少;

我覺得自己越做越蠢，冇哂"生"氣同志氣;

是個為咗生計，被迫留下，活得不快的工作奴隸；　

我覺得自己有同時代脫節, 將被社會淘汰的悲涼感覺;

我反覆問自己, 究竟係咪唔屬於呢個社會啦?

我開始懷疑自己的能力和價值........

誠然，我真係好想離開，轉換一下環境........

可惜，事實告訴我，前景岌岌可危，走咗之後，擔保唔到幾時可以搵到工........

宜家，搵工真係好難；

一個似樣的空缺，有幾百個人同你爭；

甚麼經濟好，搵工跳槽，只係留俾某些年青有為的小伙子......

唔通我真係步向夕陽，玩完了麼?

面對既唔想做嘅Job，又要撐下去的處境.......

真係好難受！